Биыл мектебіміздің, яғни А.Тайманов атындағы №34 мектеп-гимназиясының ашылғанына 10 жыл толды. Осыған орай 10 жылдық мерейтойымыз аталып өткен еді. Мерейтойға арнайы шақырылған ардагер ұстаздар, қала мектептерінің директорлары, қалалық білім беру басқармасы қызметкелері, мектептің бұрынғы түлектері, білім ұясының қазіргі жетістіктеріне куә болып қуанышқа кенелді.

Бүгін мектебімізде орыс тілі бірлестігінің ұйымдастыруымен Пушкин балы өтті. Аталған шара екі кезеңнен тұрды. (1. «В мире сказок, песен, сновидений», 2. «Союз волшебных звуков, чувств, и дум»). Бірінші кезеңге 5-8 сынып оқушылары қатысса, екінші кезең 9-11 сынып оқушыларының қатысуымен өткен еді. 

Қазан айының 1-күні мектебіміздің 11 сынып оқушылары ұйымдастырған ұлағатты ұстаздар күніне орай мерекелік кеш өтті. Ұстаз –ұлы тұлға демекші мектеп оқушылары білім нәрімен сусындатып жүрген ұстаздарын құттықтап, өз тілектерін, өнерлерін паш етті. Мерекелік кештегі ән де ,би де әзіл араласқан көріністер де барлығы да ұстаздар қауымына арналды.

Өткен 2015-2016 оқу жылының қорытындысымен «Үздік педагог-2016» республикалық байқауының үздіктері анықталған болатын. Аталған байқауға өтініш білдірген 5620 мұғалімнің ішінен дараланып, «Үздік педагог-2016» атағын мектебіміздің орыс тілі және әдебиеті пәнінің мұғалімі Траисова Эльмара Асқарқызы иеленді.